鮑魚雞粥

鮑 魚 雞 粥

讀 大 學 的 時 候 最 拿 手 煲 羅 宋 湯 、 煲 雞 粥 。 因 為 煲 這 些 東 西 根 本 就 不 需 要 用 腦 ， 亦 不 需 要 調 味 ， 只 要 將 所 有 材 料 掉 入 煲 內 煲 它 三 幾 個 鐘 便 可 。 記 得 當 年 有 個 男 生 問 我 們 怎 樣 煲 羅 宋 湯 ， 我 們 說 ： 「 最 簡 單 不 過 ， 只 要 撻 齊 所 有 的 菜 ， 椰 菜 、 紅 蘿 蔔 、 薯 仔 、 番 茄 、 洋蔥 、 西 芹 ， 加 些 肉 便 可 以 了 。 」 於 是 五 小 時 後 電 話 又 響 了 ： 「 阿 蘇 ， 為 甚 麼 我 的 羅 宋 湯 煲 出 來 跟 你 的 不 同 ， 顏 色 都 不 一 樣 … … 妳 過 來 看 一 看 ！ 」 去 到 他 家 打 開 那 煲 羅 宋 湯 ， 嚇 了 一 跳 ， 見 到 有 一 塊 烚 熟 了 的 牛 扒 浮 在 一 煲 啡 啡 灰 灰 的 湯 上 ， 再 看 ， 有 兩 個 未 批 皮 的 薯 仔 及 一 大 條 亦 是 未 批 皮 的 紅 蘿 蔔 ， 還 有 一 棵 芹 菜 … …

讀 書 的 時 候 雞 粥 簡 直 是 一 個 私 家 心 靈 補 品 ！ 首 先 ， 在 外 國 通 常 都 沒 一 餐 正 經 ， 有 飯 吃 ， 大 家 都 像 餓 狗 搶 屎 。 通 常 我 們 十 個 八 個 人 食 飯 是 要 煲 兩 煲 飯 的 ， 哪 會 有 人 肯 去 捱 餓 食 粥 呢 ？ 所 以 食 粥 的 時 候 大 多 是 人 少 少 、 只 想 食 餐 貴 的 ， 就 會 靜 雞 雞 煲 個 鮑 魚 雞 粥 ， 吃 完 都 不 敢 告 訴 任 何 人 呢 ！

這 天 在 節 目 內 問 同 事 ， 覺 得 煲 粥 最 重 要 是 甚 麼 ？ 有 人 說 是 米 ， 有 人 說 是 水 … … 如 果 大 家 要 煲 好 粥 ， 首 要 條 件 是 要 有 一 個 好 煲 ， 現 時 大 多 家 庭 有 的 易 潔 煲 都 不 及 格 ， 因 為 煲 粥 的 煲 一 定 要 夠 高 身 。 二 ， 火 要 大 。 三 ， 煲 粥 時 不 要 蓋 蓋 。 這 樣 包 你 煲 得 一 手 好 粥 ， 既 好 味 又 綿 一 綿 。


材 料

鮑 魚 1 罐 （ 切 片 ）
雞 1 隻
米 1 碗
薑 適 量 （ 切 絲 ）
蔥 適 量 （ 切 粒 ）


烹 調 步 驟

1. 雞 清 洗 ， 出 水 ， 再 在 水 喉 下 清 潔 雞 的 內 膛 （ 出 完 水 的 雞 比 較 容 易 清 潔 ， 因 為 有 些 血 泡 、 內 臟 ， 生 的 時 候 很 難 清 潔 的 ） 。

2. 米 清 洗 。 用 油 撈 一 撈 ， 加 些 水 浸 大 概 45 分 鐘 。

3. 將 米 連 同 浸 米 的 油 、 水 ， 一 同 倒 入 高 身 煲 內 ， 再 加 水 ， 水 大 概 可 浸 過 整 隻 雞 。 用 大 火 煲 ， 不 用 蓋 蓋 。

4. 粥 開 始 大 滾 ， 便 可 把 雞 放 進 去 。

5. 半 小 時 後 ， 可 將 雞 拿 起 ， 讓 粥 繼 續 煲 一 會 ， 如 太 杰 ， 可 加 一 點 熱 水 ， 加 鹽 ， 試 味 。

6. 將 雞 去 皮 ， 用 手 將 雞 肉 撕 成 絲 。

7. 將 雞 絲 、 鮑 魚 片 、 薑 絲 放 在 碗 內 ， 加 入 熱 粥 。 再 加 蔥 花 及 麻 油 在 粥 上 便 可 。